Süriyä ilbaşı Ähmät Şara, AQŞnıñ Süriyäne "terrorçılıqnı xuplawçı illär" isemlegennän çığaruınnan soñ ileneñ üseş, yañadan torğızu häm tözekländerü barışına kerüen belderde.

Ähmät Şara “X” platformasındağı akkauntınnan yasağan belderüendä, Süriyäneñ awır ütkänennän arınıp üseş, yañadan torğızu häm tözekländerü yulına kerüen äytte.

Süriyä xalqınıñ sankśiyalär häm çikläwlärneñ beterelüe belän tağın ber tapqır ähämiyätle uñışqa ireşüenä basım yasağan Şara: "Sezgä xezmät itü öçen Allahtan köç sorıym”, - dide.

Şara AQŞ liderı Donald Trampka häm Süriyä yanında torğan, anı xuplağan barlıq dus illärgä räxmät belderde.

AQŞ qazna ministrlığı Süriyä 1979 yılda kertelgän "terrorçılıqnı xuplawçı illär" isemlegennän räsmi räweştä çığarıldı dip beldergän ide.

Süriyäda Bäşar Äsäd rejimı bärep töşerelgännän soñ Vaşington citäkçelege belän Dimäşk citäkçelekläre arasında yaña çor başlandı.

Süriyäneñ bu isemlektän çığarıluı, ilneñ yıllar buyı däwam itkän diplomatik häm iqtisadi izolaśiyasen kimetü cähatennän ähämiyätle adım dip bäyälänä.