Osaka universitetınıñ immunologı Kosuke Xaşimoto citäkçelegendäge tikşerenüçelär, ğadättä immun sistemasında yärdämçe rol uynawçı CD4 T küzänäkläreneñ yäş barğan sayın üterüçe T küzänäklärenä (CD4 CTL) äylänüen açıqladı.

Bu üsä torğan häm aktiv küzänäklär organizmdağı zararlanğan yäki yaman şeş küzänäklären açıqlaw häm yuq itü öçen cawaplı.

Yaponiya dä ütkärelgän tikşerenüdä 28 qatnaşuçınıñ qan ürnäkläre analizlana. Bu üterüçe küzänäklärneñ öleşe 70, 80 häm 90 yäşlek keşelärdä urtaça 4 protsent täşkil itsä, bu kürsätkeç 100 yäşlek keşelärdä - 9,6 protsentqa, ä 110 yäştän ölkänräk keşelärdä 17,6 protsentqa qadär artqan.

Mäğlümätlar kürsätkänçä, bu küzänäklär qartayu belän immun sisteması qaqşaw näticäse tügel, ä organizmnıñ yaña yanawlarğa cawap birü öçen adaptatsiya mexanizmınıñ ber öleşe.

Tikşerenü näticäsendä 100 yäştän ölkänräk keşelärdä bu küzänäklärneñ yaqınça öçtän bereneñ ber töp küzänäkneñ klonnarı buluı açıqlandı.

Belgeçlär fikerençä, bez yäş artqan sayın, immun sisteması anomaliyäle häm yaman şeş küzänäkläreneñ artu qurqınıçına qarşı toru öçen bu maxsus küzänäklärne kübäytep, saqlanu mexanizmı buldıra.

Tikşerenüçelär äytüençä, bu açışlar ğacäyip ozın ğomer serlären häm qartayu belän bäyle küzänäk üzgäreşlären añlawda möhim adım bulıp tora.