Franśiya tışqı êşlär ministrı Jan-Noêl Barro illärendäge urman yanğınnarın sünderügä yärdäm itkän illärgä, şul isäptän Törkiyägä räxmät belderde.

Barro X sośial media platformasındağı akkauntında bolay dide: “Franśiyädä bıyıl moñarçı kürelmägän urman yanğınnarı küzätelä”.

Urman yanğınnarın sünderüdä cir häm hawa mömkinleklären Franśiya yärdäm törkemnäre belän qullanğan Törkiyä, Germaniya, Avstraliya, Bel’giya, Xorvatiya, Litva, Lyuksemburg, Portugaliya, Çexiya, Rumıniya, Serbiya, Slovakiya, Şveśiya, Şveśyariya, Ukraina häm Awrupa Berlegenä räxmät äytkän Barro: “Yanğınnarğa qarşı köräşü öçen yärdäm täqdim itkän barlıq illärgä dä  räxmät belderäm,” – dide.

Törkiyä Franśiyädäge urman yanğınnarına qarşı köräşü öçen ike yanğın sünderü oçqıçı cibärgän ide.

Franśiyädä bıyıl yanğınnarda 117 meñ gektardan artıq mäydan zıyan kürde, 4 yanğın sünderüçeneñ ğomere özelde.