Ukrainanıñ atnalar buyı Rusiyä höcümnärenä qarşı AQŞta citeşterelgän “Patriot” hawa saqlanu sistemasınıñ totqarlawçı raketaların qullanmawı farazlana.
İminlek säbäpläre arqasında familiyäsen atarğa telämägän Dmitro isemle Ukraina wäqalätlesenä sıltama belän CNN xäbär itüençä, Kiyev xökümäte atnalar buyı AQŞta citeşterelgän “Patriot” raketaların qullana almıy.
İlneñ “Patriot” totqarlawçı raketaları "tulısınça diyärlek betkän".
Ukraina wäqalätlese inde altı atna “Patriot” raketalarınıñ ut açuın kürmäwen äytte häm ata alırlıq raketalar bulmaw "naçar xislär" tudıruın assızıqladı.
Dmitro bilgeläp ütkänçä, alar Yaqın Könçığıştağı nizağnıñ axır çiktä Ukrainağa da täêsir itäçägen farazlağan.
Xäbärdä distälägän ilneñ üzläreneñ hawa saqlanu sistemaların nığıtırğa tırışuı, häm Yaqın Könçığış konfliktında “Patriot” totqarlawçı raketaların küp qullanu arqasında global' täêmınat citmäw barlıqqa kilüe äytelä.
Ukraina raketalar satıp alırğa tırışa
Ukraina ilbaşı Volodimir Zelenskiy êlegräk AQŞtan “Patriot” hawa saqlanu sistemasında qullanılğan raketalarnı här ay alaçaqların beldergän ide.
Ukraina xökümäte, şulay uq, AQŞtan “Patriot” hawa saqlanu sistemasında qullanıla torğan raketalar belän täêmin itü yäki şundıy raketalar citeşterü öçen kiräkle litsenziyalärne alu östendä êşläwlären dä citkerde.
