Ministr Fidan üzeneñ sotsial çeltärlärdäğe akkauntında räsmi söyläşüläre turındağı mäğlümat belän urtaqlaştı.

Fidan töbäktäğe soñğı waqıyğalarğa qağılışlı diplomatik êlemtälär qısalarında Misır wazıyfadaşıı Badr Ğäbdel Fättax äl-Äbdäti häm Soğud Ğaräbstanı wazıyfadaşı bin Fäysal bin Farxan belän telefon aşa söyläşüen belderde häm: "Äñgämälärebezdä bez Ğazzä tınıçlıq planın ğamälgä aşırudağı uñışsızlıqlarnı häm bez yasıy alırlıq adımnarnı bäyälädek", - dip östäde.

Fidan, şulay uq, Süriyädäğe soñğı waqıyğalar turında fiker alışuların belderde, Süriyädä tınıçlıq häm totrıqlılıq urnaştırunı nıqlı xuplawların qabatladı.

Ul, şulay uq, Ormuz buğazındağı xälne häm konfliktta qatnaşqan illär arasında däwam itüçe söyläşülärdäğe soñğı waqıyğalarnı bäyäläwlären bilgeläp ütte häm: "Bezneñ töbäktä tınıçlıq häm çäçäk atunı telägän öç tuğandaş il bularaq, bez barlıq ölkälärdä dä xezmättäşlekne häm koordinatsiyanı nığıtunı däwam itäçäkbez", - dip östäde.