Arxeologlar Törkiyäneñ tönyaq-könbatışındağı qazu êşlärendä yaqınça 16 500 yıllıq dip sanalğan 25 taşbaqa figurasın taptılar.

Figuralar Biäcik vilayäteneñ İnhisar rayonındağı Gädikkaya qalqulığı häm İn mäğaräse arxeologik qazu êşlärendä tabılğan. Tikşerenüçelär tarixqa qadärge cämğıyätlär bu mäğaräne yolalar öçen qullanğannar dip sanıylar.

İzvesttaş skulpturalarınıñ qayberläre balçıq belän qaplanğan. İñ zurısı yaqınça 30 santimetr ozınlıqta häm 20 santimetr kiñlektä.

Radiouglerod datası tabıldıqlarnıñ b.ê. qadär 14 500 häm 11 200 yıllar arasındağı êpipaleolit çorına qarawın kürsätte.

Qazu êşlären 18 maydan 18 iyulgä qadär Mädaniyät häm turizm ministrlığı isemennän Biläciktäge Şäyex Ädäbali universitetınıñ arxeologiya kafedrasınnan professor Däniz Sarı citäkçelegendäge 14 keşedän torğan törkem ütkärde.

Möhim kült häm yola urını

Professor, fännär doktorı Däniz Sarı mäğarä êçendäge arxeologik qaldıqlar berençe tapqır 2017 yılda ütkärelgän öslek tikşerüläre waqıtında tabılğan dip belderde.

“Qazıp alınğan artefaktlar bezgä bu möhim kült häm yola urını ikänen kürsätte. Bıyıl bez tapqan taşbaqa figuraları mäğaräneñ yola kontekstın yaña ülçämgä kütärde,” – dide ul.

Däniz Sarı küpçelek figuralarnıñ formalaştırılğan buluın äytte. Şuña kürä alar figuralar yola maqsatlarında yasalğan dip farazlıylar.

Professor, fännär doktorı taşbaqa simvolizmı Yaqın Könçığışnıñ Natufiya mädäniyätendä häm borınğı yuğarı paleolit cämğıyätlärendä kiñ taralğan dip östäde.

Ul küp mädäniyätlärdä taşbaqa ozın ğomerlelekne häm çıdamlıqnı simvollaştıra dip assızıqladı.