AQŞ ilbaşı Donald Tramp Riyadtağı Patşa Xalit isemendäge Xalıqara aêroportka yasalğan höcümne ğayepläp, waqiğanı “qurqınıç” dip atadı.
Jurnalistlarnıñ sorawlarına cawap birgän Tramp: “Minemçä, qurqınıç waqiğa. Soğudlär yaxşı suğışçılar läkin miña qalsa, bu höcüm qotoçqıç buldı,” - dide.
Soğud Ğaräbstanı citäkçelegendäge xärbi koaliśiyä citkergänçä şimbä könne bulğan häm kim digändä 12 keşe ülgän, 300dän artıq keşe yaralanğan höcümne xusilär oyıştırğan.
Ülüçelär arasında AQŞ watandaşı da bar
AQŞ däwlät särqätibe Marko Rubio Vaşington citäkçelegeneñ Patşa Xalit isemendäge aêroportnıñ şimbä könne bombalanuın da kertep, Soğud Ğaräbstanına oyıştırıluçı höcümnärne qırıs räweştä ğayepläwen äytte.
"Bu - çirqanıç höcümnär. Ğayepsez grajdannar ğomerenä xörmät kürsätmäwlären açıp sala. Höcümnär şunduq tuqtarğa tiyeş," - dip yazdı Rubio “X” platformasında.
Soğud Ğaräbstanı xökümäte aêroport terminalına yasalğan höcumda 4 Soğud watandaşı häm 8 çit il keşeseneñ ülüen rasladı.
Rubio 12 ülgän keşe arasında ber AQŞ vatandaşı buluın belderde.
Bu soñğı 10 yıldan artıq waqıt êçendä Soğud Ğaräbstanı cirlärendä iñ küp ülemgä kitergän höcum buldı.
Soğud Ğaräbstanı citäkçelegendäge xärbi koaliśiyä yäkşämbe könne belderü yasap, Yämändäge xusilärgä cawap qaytaraçaqların citkerde.
