Kiyev mêrı Vitaliy Kliçko sośial çeltärlärdäge akkauntında Rusiyäneñ başqalağa raketa höcüme oyıştıruın belderde.

Kliçko berençel mäğlümatlarğa qarağanda höcümdä 8 keşeneñ ğomere özelüen häm 33 keşeneñ yaralanuın xäbär itte.

Şähärneñ törle rayonnarında zıyan kürgän urınnar buluın citkergän Kliçko: "Solomyansk rayonında balalar xastaxanäsenä zıyan kilde", — dip yazdı.

Ukrainanıñ Ğadättän tış xällär xezmätennän yasalğan belderüdän kürengänçä şähärneñ Svyatoşinskiy, Darniśkiy häm Solomyansk rayonnarında êzläw-qotqaru êşläre däwam itä.

Rusiyä armiyaseneñ şulay uq Ukrainanıñ Jitomir ölkäsenä dä höcūm itüe citkerelde. Höcümdä 2 keşe ülgän, 40 keşe yaralanğan.

Belderüdä höcūm arqasında töbäktäge poliśiya üzägendä yanğın çığuı äytelde.