“Axios” xäbär säxifäsenä intervyu birgän isemsez çığanaqlar Rêtkliffnıñ uzğan atnada Mäskäwgä säfäre nisbätennän fikerlären belderä.

Çığanaqlar Rêtkliffnıñ Tramp, Putin häm Zelenskiy arasında öç yaqlı oçraşu täqdim itüen häm bu säfärneñ maqsatı Rusiyäneñ yuğarı küzläw xezmätkärläreneñ Putinnı AQŞ aradaşçılığı astında Ukraina belän söyläşülärne yañadan başlarğa künderä alu-almavın açıqlaw buluın alğa sörde.

Çığanaqlar, Rêtkliff süzlärençä, Rusiyä Federal qurqınıçsızlıq xezmäte (FSB) citäkçese Aleksandr Bortnikovnıñ "diplomatik tırışlıqlarnı yañadan başlarğa yärdäm itäçäk konstruktiv şäxes" buluın söyli.

AQŞ ilbaşı Tramp “Axios” basmasına belderüendä Rêtkliffnıñ säfäre "ğadäti êşçänlek buluın häm Rusiyäne NATO territoriyäsenä höcümnärdän kisätü öçen tügellegen" belderde.

“The New York Times” gazetı xäbär itüençä, Mäskäwgä säfäre waqıtında Rêtkliff Bortnikovnı Ukraina belän kileşügä ireşü üçün Rusiyägä basım yasarğa öndägän.