Törkiyä ilbaşı Räcäp Tayyip Ärdoğan: "Keşelek ciñäçäk, tuğanlıq ciñäçäk. Tınıçlıq häm totrıqlılıq ciñäçäk. 86 million watandaşı bulğan törek milläte ciñäçäk", - dide.

İlbaşı Ärdoğan Bitlistä Malazgirt ciñüeneñ 955 yıllığı uñayınnan ütkärelgän tantanada çığış yasadı.

Çığışın ul bolay dip başladı: "Malazgirt ciñüennän İstanbulnı yawlap aluğa qadär, Çanaqkalädan milli köräşkä qadär, terrorizmğa qarşı köräştän 15 iyül dastanına qadär, min tağın ber tapqır bu izge watan, bu zatlı millät öçen meñ yıl däwamında gomerlären fida qılğan barlıq şähitlärne räxim-şäfqat belän iskä alam", - dip däwam itte Ärdoğan, "Ber ük kiläçäkkä, ber ük maqsatqa, ber ük ömetkä omtıluçılar monda. İñgä-iñ toruçılar, töreklär, kördlär, ğaräplär, ğaläwilär häm sönnilär monda".

Ärdoğan üz çığışın bolay däwam itte:

"Berkemneñ dä şige bulmasın. Böyek häm köçle Törkiyäneñ tañı attı. Törek ğasırı tözeleşe başlandı. İke yıl êlek Äxlättän signal birgän "Terrorsız Törkiyä" protsessıbız maqsatına çitkäç, Allah boyırsa, millätebez aldında yaña çor işekläre açılacaq. Qan säwdägärläre ottıraçaq, terrordan fayda kürüçe opportunistlar ottıraçaq. Geografiyäbezne totrıqsızlıqqa batırırğa teläwçe genotsid cinayätçeläre ottıraçaq. Ciñüçe keşeleklelek, tuğanlıq frontı bulaçaq. Tınıçlıq häm totrıqlılıq bulaçaq. Ciñüçe 86 million watandaşı bulğan törek milläte bulaçaq."