İlbaşı idaräseneñ êlemtä bülege xäbär itkänçä, Törkiyä ilbaşı Räcäp Täyyip Ärdoğan Yaponiya premyer-ministrı Sanaê Takaiti belän telefonnan söyläşte.

Liderlar Törkiyä-Yaponiya mönäsäbätläre, şulay uq regional’ häm global’ mäs’älälär turında süz alıp bardılar.

Törkiyä ilbaşı Räcäp Täyyip Ärdoğan söyläşü barışında Törkiyäneñ Yaponiya belän mönäsäbätlären, berençe çiratta saqlanu sänäğate, investiśiyälär häm säwdä ölkälärenä östenlek birep, här ölkädä üsterü öçen tırışlıqların däwam itteräçägen belderde.

İlbaşı Ärdoğan Törkiyä bularaq İran belän AQŞ arasındağı bäreleşlärne çişüneñ berdänber yulınıñ söyläşülär buluın, daimi tınıçlıq häm totrıqlılıq öçen diplomatik tırışlıqlarnı yaqlawların assızıqladı.

Törkiyä ilbaşı Räcäp Täyyip Ärdoğan  şulay uq, ütkän ayda Kumamotoda bulğan cirteträwdä hälaq bulğannar öçen Yaponiya premyer-ministrı Takaitineñ tağın ber tapqır qayğısın urtaqlaştı.