“Xamas” çığanağı bolay dip belderde: “Xäräkät liderı Xälil äl-Xäyyä citäkçelegendäge yuğarı däräcäle  delegasiya bügen kiç Qahirägä  Misır räsmiläre belän söyläşülär ütkärü öçen kiläçäk”.

Çığanaq bilgeläp ütkänçä, bu säfär Xäyyäneñ “Xamas” citäkçelegen üz östenä alğannan birle Misırğa berençe säfäre.  

Delegaśiya Misırnıñ ğomum küzläw xezmäte başlığı general-mayor Xäsän Räşad belän oçraşaçaq.

Söyläşülärdä berençe çiratta Ğazzä sızığındağı utnı tuqtatu kileşüen daimi qılu häm Fälästin mäs'äläsenä  qağılışlı  täräqqiyätlär qaralaçaq.

Delegaśiya sostavında Xäyyädän tış “Xamas” şurası räise Möxämmäd Därwiş, “Xamas”nıñ çit illärdäge êşçänlege öçen cawaplı Xälid Mäşal, anıñ Yordannıñ könbatış üzänlegendäge  citäkçese Zaher Cabbarin , şulay uq  Ğaräp häm İslam mönäsäbätläre ofisı citäkçese  Basim Naim bar.