Törkiyä Böyek Millät Mäclese  räise Numan Kurtulmuş şimbä könne yasağan belderüendä Törkiyäneñ “Terrorsız Törkiyä” iniśiativasınıñ il êçendä häm töbäk külämendä tağın da nığraq berdämlekkä yul açaçağın, näticäda tağın da köçle häm terrorsız  töbäk tözügä öleş kertäçägen äytte.

Kurtulmuş bu iniśiativanı tağın da kiñ külämle töbäk prośessınıñ berençe adımı dip bäyäläde.

İstanbulda uzğan Diplomatiya forumınıñ yomğaqlaw programmasında çığış yasağan Kurtulmuş bolay dide: “Bez xäzer 40 yıldan artıq däwam itkän, meñlägän keşebez şähit bulğan, distälägän  meñ keşeneñ ğomere özelgän, awıllar häm şähärlärneñ cimerelüenä kitergän bu prośessnı  artta qaldırabız. Bu ildäge töreklär, kördlär häm başqa êtnik törkem wäkilläre berdämlektä üz yulların däwam itäçäklär”.

Bülenü, tarqalu häm çitläşterü telen  tuğanlıq häm berdämlek tele belän alıştırırğa kiräklegen beldergän Kurtulmuş, bu alımnıñ  Törkiyä çiklären uzıp töreklärne, körtlärne, ğaräplärne häm başqa tcämğıyät’lärne ber-bersenä yaqınaytaçağın assızıqladı.  

Törkiyä Böyek Millät Mäclese  räise Numan Kurtulmuş süzen yomğaqlap:  “Köçle töbäk, terrordan azat töbäk yañadan torğızılaçaq”, – dip belderde.