İzrail saqlanu ministrı İsraêl Kats Ğazzä sızığına komplekslı höcümnärne yañadan başlaw häm töbäktän yaqınça 2 million fälästinlene quıp çığaru planın ğamälgä aşıru "waqıt mäsäläse genä" dip belderde.

Saqlanu ministrı Kats, utnı tuqtatuğa qaramastan, "komplekslı höcümnärne" däwam itterü häm Ğazzä sızığınnan "fälästinlelärne quıp çığaru" belän yanadı.

"Bez barıbız da monıñ (“XAMAS”nıñ üz teläğe belän qoralın taşlawı) bulmayaçağın beläbez", - dide Kats häm İzrail armiyäseneñ "êşne axırına citkerergä" häm Ğazzä sızığına komplekslı höcüm turında boyırıq alu belän fälästinlelärne quıp çığaru planın ğamälgä aşırırğa äzer buluın östäde.

Kats, şulay uq, 2023 yılnıñ oktyabrennän birle İzrail höcümnäre arqasında Ğazzä sızığı xalqı inde 70 protsentqa kimegän dip belderde.

İsraêl Kats bu ay başlarında İzrailneñ fälästinlelärne Ğazzädan diñgez häm qorı çır aşa quıp çığarırğa äzer ikänlegen, läkin AQŞnıñ ike million keşeneñ qaya baraçağı turında qarar qabul itüen kötüen belderde.

AQŞnıñ İzraildäge ilçese Mayk Xakabi "keşelärne Ğazzädan alarnıñ ixtiyarına qarşı köçläp çığaru" planın kire qaqqan ide.