“Beşiktaş“ UEFA Awrupa ligası törkem êtabındağı berençe matçında üz qırında Franśiyäneñ ”Olimpik Marsel”  komandası belän oçraştı häm 4-1 isäbe belän ciñü yawladı.  

Tüpraş stadionında uzğan matçnıñ berençe yartısı ike komandanıñ da berär gol kertüe näticäsendä 1-1 isäbe belän tämamlandı.

İkençe yartıda  Törkiyä komandası matçnıñ kontrolen tulısınça üz qulında totıp,  4-1 isäbe belän  ciñde häm UEFA Awrupa ligası sezonın 3 oçko belän başladı.

“Beşiktaş” komandasınıñ golların İlhan Fakılı, Vaclav Cerny, Amir Murillo häm Ernest Poku , ä “Marsel”nıñ  berdenber golın Keyliane Abdallah kertte.

Matçtan soñ fikeren beldergän “Beşiktaş”nıñ italyan trenerı Vinçenśo  Italiano, ikençe yartıda yaxşıraq uynap, 3 oçko aluğa  ireşülären äytte.

“Barısı da bik yuğarı däräcädä uynadı. Barısı da iskitkeç uyın kürsätte. Axır çiktä bez 3 oçko aldıq, läkin 3 oçko ğına citmi. Tağın da kübräk oçko cıyarğa kiräk. Ägär törkem êtabınnan çıgarga, tağın da alğa barırğa telibez ikän, kübräk oçko cıyarğa kiräk. Bügen canatarlarıbız bik şäp ide”,- dide ul.

“Beşiktaş” komandası UEFA Awrupa ligası törkem êtabındağı matçların  15 oktyabrdä Germaniyädä “Xoffenxaym”ğa qarşı  matç belän däwam itäçäk.