Singapur “doomscrolling” (tiskäre xäbärlär ağımına birelü)  ğadätenä qarşı köräş maqsatında üz grajdannarına könenä kimendä 15 minut kitap uqığan öçen aqça tüli başladı.

Bu ayda başlanğan programma  Singapur xalqınıñ iğtibarın tuplawnı, tänqıydi fikerläwne häm fantaziyäsen yaxşırtuğa yünältelgän.

Programma qısalarında kitap uquçılar xökümät internet säxifäsendä könenä kimendä 15 minutlıq kitap uqu seansın terkägändä, könenä 1 Singapur dolları ala.

Milli Kitapxanä şurası räise Melissa Tam ğadätlärneñ keçkenä häm ireşep bula torğan adımnar belän formalaşuın belderä.

Xökümät, şulay uq, yäşlärneñ sośial çeltärlärdän  zıyan kürüen kimetü öçen könlek waqıt çikläwe kertü kebek variantlarnı qarıy.

Şul uq waqıtta, ildä 15 yäşlek uquçılarnıñ 2025 yılğı Xalıqara uquçılarnı bäyäläw programmasında (PISA) uqu buyınça dönyada berençe urında toruı belderelä.