Soğud Ğäräbstanı liderlığındağı Ğäräp koaliśiyäse süzçese general-mayor Turki äl-Maliki yasağan yazmaça belderüendä Soğud Ğäräbstanı hawa saqlanu köçläreneñ 19nçı sentyabr şimbä irtäsendä xusilär tarafınnan Är-Riyadqa taba cibärelgän ballistik raketanı totqarlap yuqqa çığaruın äytte.
Maliki xusilärneñ Är-Riyadta tınıç xalıqnı häm grajdan obyektlarnı nişan itep alu omtılışlarınıñ däwam itüen, 8 millionnan kübräk keşe yäşägän şähärdä tınıç xalıqnıñ häm grajdan qorılmalarınıñ belä torıp, maxsus häm sistemalı räweştä nişan itep alınuınıñ “terrorçı häm doşmança xäräkät räweşe” buluın belderde.
Xusilärneñ moñarçı Biş, Taif, Farasan häm Yänbu şähärlärendäge tınıç xalıqnı häm grajdan qorılmaların nişan itep alırğa tırışuın citkerüçe äl-Maliki bu omtılışlarnıñ hawa saqlanu sistemaları tarafınnan totqarlanuın iskärtep uzdı.
Äl-Maliki koaliśiyä komandalığınıñ xusilärneñ ğamällären tıyıp toru maqsatınnan çığıp üze yaraşlı dip kürgän häm xalıqara humanitar xoquq belän ğoref-ğadät qağidälärenä turı kilgän çaralarnı kürü mäs’äläsendä töp xoquqqa iyä buluına basım yasadı.
