Könyaq Afrikanıñ könçığışındağı KwaZulu-Natal provinśiyäsendä ber yortqa qorallı höcüm  näticäsendä 11 keşe hälaq bulğan, 3 keşe yaralanğan.

Könyaq Afrika televideniyese “eNCA” xäbärenä kürä, höcüm sişämbe könne cirle waqıt belän 23.00 säğat’  tiräsendä Durbannıñ könyağındağı KwaMaxuta qasabasında bulğan.

Hälaq buluçılar arasında awırlı xatın-qız da bulğan.

Älegä kemlege bilgesez höcümçelär keşelär cıyılğan yortqa kerep ut açqan.

10 keşe waqıyğa urınında hälaq bulğan, ä 1 keşe xastaxanägä alıp barğanda yaralarınnan ülgän.

Qaçu aldınnan höcümçelär yort xucasınıñ  maşinasın yandırğannar.

Höcümneñ säbäbe älegä bilgele tügel.

Wäqalätlelär qulğa alu  yäki şiklänelüçelärneñ  kemlege turında belderü yasamağan.

Yaqınça 62 million xalqı bulğan Könyaq Afrika dönyada üterü kürsätkeçläre iñ yuğarı illärneñ berse sanala.

İldä kön sayın yaqınça 60 keşe üterelä.