Ğazza Tınıçlıq şurasınıñ Ğazza töbäge öçen 2,45 milliard dollar külämendä häm 6 ay däwam itäçäk torğızu planın ig'lan itäçäge äytelde.
“Axios” platformasınıñ xäbärenä kürä, Ğazza Tınıçlıq şurası 23 sentyabr'dä cıyılış ütkäräçäk.
Şura äğzaläre bulmağanlarnı da kertep, tulayım 35 ildän wäkillärneñ qatnaşuı kötelgän bu cıyılışta, Ğazza töbäge öçen 2,45 milliard dollar külämendä häm 6 aylıq torğızu planı açıqlanaçaq.
Finans büleneşe
Torğızu planındağı 2,45 milliard dollar waqıtlıça sıyınu urını buldıru, çüp-çarnı çığaru, xastaxanalarnı tözekländerü, iqtisadnı torğızu häm küpmillätle qurqınıçsızlıq köçlären urnaştıru kebek ölkälärne üz êçenä alğan barlığı 66 proyektnı finanslaw öçen qullanılaçaq.
400 million dollar waqıtlıça sıyınu urınnarın buldıruğa, 275 million dollar çüp-çarnı häm şartlamağan snaryadllarnı çistartuğa, 50 million dollar xastaxanälärne yaxşırtuğa häm 30 million dollar Ğazzädäge yul çeltären remontlawğa totılaçaq.
Töbäktäge qurqınıçsızlıqqa bäyle proyektlarğa yaqınça 885 million dollar, ä sälamätlek saqlaw, mäğarif häm sotsial yärdäm programmalarına yaqınça 300 million dollar bülep bireläçäk.
Çatırlarda yäşärgä mäcbür bulğan küçengän fälästinlelärne izolyatsiyälängän karavannar belän täêmin itügä yaqınça 400 million dollar bülep bireläçäk.
20 million dollar qorallı törkemnär äğzalarınıñ, şul isäptän, “Xamas”nıñ, qoralların häm patronnarın qurqınıçsız yuq itü öçen tapşıruın üz êçenä alğan "qoral satıp alu programmasın" finanslawğa totılaçaq.
