Paqıstannıñ tönyağında urnaşqan Koxat şähärendäge tarixi poliśiya üzägendä bulğan şartlawda berençel mäğlümatlarğa kürä 8 keşe ülde, 35 keşe yaralandı.
Xayber-Paxtunxva vilayätendäge "Old Police Lines" (Êlekke poliśiya yortı) rayonında bulğan şartlawdan soñ qotqaru êşläre başlatıldı.
Vilayät iminlek mödire Zülfikar Xämid 8 keşeneñ ülüen häm 35 keşeneñ yaralanuın citkerde; ämma ul poliśiya häm grajdannar arasındağı qorbannarnıñ büleneşe turında turında mäğlümat birmäde.
Xämid: "Şartlaw belän bäyle tikşerü bara", - dip äytte.
Höcüm öçen cawaplılıqnı älegä üz östenä aluçı bulmadı fäqat töbäktä “Paqıstan Talibanı” qırıslıq ğamällären yış başqara.
Paqıstan däwlät başlığı Asıf Ali Zerdari şartlawdan soñ yasağan belderüendä keşelärneñ ülemenä qayğıruın belderde häm yaralanuçılarnıñ tizräk sawığuın teläde.
