Könyaq Afrika sälamätlek saqlaw ministrlığı belderüenä qarağanda, ildä yıl başınnan 17 sentyabrgä qadär 18 raslanğan häm 1 ixtimal mpox oçrağı terkälgän.
Bu oçraqlarnıñ 15e Könbatış Keyp provinśiyäsendä, 3 oçraq Gautengta, 1 oçraq KwaZulu-Natal töbägendä kürelgän.
Şul uq waqıtta ministrlıq barlıq oçraqlarnıñ 13eneñ 13 avgusttan 17 sentyabrgä qadärge çorda terkäluen häm monıñ virusnıñ tiz taraluına işarä itüen kisätkän.
23 yäştän 50 yäşkä qadärge awırularnıñ 17se ir-at, berse xatın-qız buluı belderelä.
Belderüdä Bötendönya sälamätlek saqlaw oyışması yärdäme belän çiklängän külämdä MVA-BN vakśinası häm Tecowirimat daruınıñ täêmin itelüe, alarnıñ kizü taraluın kontroldä totu öçen qullanılaçağı citkerelä.
Awırunıñ kiñ taralğan simptomnarı: yuğarı temperatura, baş, arqa häm muskul awırtuları, limfa töyennäreneñ şeşüe, arığanlıq, qaltıraw häm tiredä cil çäçägenä oxşaş quıqlar barlıqqa kilü.
Mpox virusı tıçqannar häm tiyennär kebek kimereçelärdän yäisä zararlanğan keşelärdän yoğarğa mömkin.
