Rusiya tışqı êşlär ministrlığı, Ukrainağa pilotsız ou apparatları häm başqa qoral sistemaları cibärüen arttıru säbäple, Angliyäneñ ilçe wazıyfaların waqıtlıça başqaruçı wäkilen ministrlıqqa çaqırdı.

Ministrlıq Londonnı suğışnı ozaytu häm köçäytügä yünälderelgän säyäsät alıp baruında ğayepläp, monıñ säyäsi çişeleş mömkinlegen kiçekterüen belderde.

Ministrlıq Angliyäneñ ozın radiuslı höcüm qoralları täêmin itüe Londonnı Ukrainanıñ qanlı ğamällärendä urtaq bulırğa mäcbür itä dip belderde.

Şul uq waqıtta ul älege ğamällärne terrorçılıq häm suğış cinayätläre dip atadı.

Mäskäw şulay uq Angliyäneñ Kiyevnı xuplawı anıñ xalıqara yöklämälären boza  häm Londonnıñ cimergeç êşçänlege qurqınıç tudıra dip belderde.  

Rusiyä üz-üzen yaqlaw xoquqı nigezendä  kiräkle qarşı çaralar kürü xoquqın üzendä qaldıruın belderde.

Şulay uq Ukrainadağı Rusiyä cirlärenä höcümnärdä qullanılğan Angliya xärbi qorılmalarınıñ  qanuni maqsat bulıp sanalaçağın açıqladı.

Ministrlıq Londonnı kiyerenkelekne köçytüçe säyäsätennän baş tartırğa häm xalıqara yöklämälären ütärgä çaqırdı.