AQŞ ilbaşı Donal’d Tramp Qıtay däwlät başlığı Si Cinpiñ belän bik näticäle oçraşu ütkärergä ömetlänä.

Ul  Qıtay däwlät başlığın 23 sentyabrdä qabul itäçägen  häm oçraşunı tüzemsezlek belän kötüen belderä.

“Bik näticäle oçraşu bulaçaq. Qıtay belän mönäsäbätlärebez yaxşı, däwlät başlığı Si belän  yaxşı mönäsäbätlärebez bar”, - dide Tramp.

 Ul  yasalma intellekt qına tügel, ä başqa küp kenä mäs’älälär  turında da fiker alışaçaqların belderde.

Tramp üzeneñ Qıtayğa yuğarı külämdä tamğaxanä salımnarı kertüen häm bu mäs’äläne dä qarayaçaqların äytte.

Şul uq waqıtta, Trampqa Aq Yort tarafınnan AQŞnıñ 3 media oyışmasına kertelgän tıyular turında jurnalistnıñ: “Qıtay dönyada jurnalistlarğa iñ küp basım yasawçı illärneñ berse. Sezneñ bu qararığız nindi yullama cibärä?” digän sorawına Tramp: “Bez dä basım yasıybız. Bezde yalğan xäbär taratuçı media bar” dip cawap birde.

Soñınnan Tramp üz süzlären: “Bez basım yasamıybız, läkin bezde yalğan xäbär taratuçı media bar” dip tözätte.