Berläşkän Millätlär Oyışması ğomum särqatibe Antonio Guterriş M’yanmada 50 keşeneñ ğomeren özgän hawa höcümnären kisken ğayepläde.
BMO ğomum särqatibe süzçese Stefan Dujarrik köndälek matbuğat oçraşuında çığış yasadı.
“28 sentyabrdä Arakan töbägendä bulğan, 50 keşeneñ ülemenä häm yaqınça 60 keşeneñ yaralanuına kitergän hawa höcüme turındağı xäbärlärdän borçılabız” digän Dujarrik, ğomum särqatipneñ höcümnärne kisken ğayepläwen belderde.
Dujarric yaralanuçılarnıñ kübeseneñ xäle awır buluın bilgeläp ütte, ğomere özelgännärneñ ğailäläreneñ qayğısın urtaqlaştı.
Ul ğomum särqatip Guterrişnıñ barlıq yaqlarnı da köç qullanunı kiçekmästän tuqtatırğa çaqıruın belderde, şulay uq älege hawa höcümen oyıştırğan keşelärneñ cawaplılıqqa tartılırğa tiyeşlegenä basım yasawın citkerde.
BMO Keşe xoquqları yuğarı komissarı Volker Türk tä M’yanmanıñ Rakxayn (Arakan) töbägendä bazar yanında oyıştırılğan häm kimendä 50 keşeneñ ülemenä kitergän hawa höcümnären ğayepläwen beldergän ide.
