İzrail Ğazzädäge utnı tuqtatu kileşüen här kön boza. Oyıştırılğan hawadan höcüm häm ut açu näticäsendä öç fälästinleneñ ğomere özelde. Aralarında balalar da bulğan şaqtıy keşe yaralandı.
“Äl-Şifa” xastaxanäsendäge mediśina çığanağı citkergänçä sişämbe könne Ğazzä şähäreneñ könbatışında urnaşqan Äl-Nasr mäxälläsendäge ber fatirğa oyıştırılğan hawadan höcumnän soñ ike fälästinleneñ mäyete häm berniçä yaralanuçı, şul isäptän balalar da, xastaxanägä kiterelde.
“Anadolu” agentlığı xäbärçese beldergänçä höcum Al-Batul binasındağı ber fatirğa yasaldı, berniçä keşe, şul isäptän balalar da, yaralandı.
“Äl-Aqsa” şäxitläre xastaxanäsennän ber çığanaq äytüençä İzrail köçläre tarafınnan Deir al-Balahnıñ könçığışında atıp üterelgännän soñ Äxmät Äbu Murnıñ üle gäwdäse xastaxanägä kiterelde.
Ğazzä sälämätlek saqlaw ministrlığına kürä İzrailneñ utnı tuqtatu kileşüen bozuları näticäsendä 1421 fälästinle üterelde häm 4983 keşe yaralandı.
2023nçe yılnıñ oktyabrennän birle İzrailnıñ Ğazzädäge genośid suğışında 74 meñnän artıq fälästinle üterelde häm 175 meñnän artıq keşe yaralandı; Ğazzä asqormasınıñ yaqınça 90 prośentı yuqqa çığarıldı.
