İran AQŞ belän söyläşülär alıp baru plannarı bulmawın belderde.

İrannıñ räsmi “IRNA” xäbär agentlığı, N'yu-Yorkqa Berläşkän Millätlär Oyışması ğomum şurasında qatnaşu öçen barğan İran delegatsiyäseneñ räsmi wäkilenä sıltama belän xäbär itüençä, xäzerge waqıtta AQŞta bulğan tışqı eşlär ministrı Abbas Araqçı aldan planlaştırılğan oçraşuların tämamlağannan soñ sişämbe könne İranğa qaytaçaq, häm AQŞ belän bernindi söyläşülär dä planlaştırılmıy.

Xäbärdä, şulay uq, İrannıñ Qatar aradaşçılığı aşa AQŞqa citkergän şartlarına älegä cawap almawı häm anı kötüläre äytelä.

AQŞ ilbaşı Donald Tramp, İrannıñ Ormuz buğazın açu şartların kire qaqqannan soñ, bu atnada İran belän yaña söyläşülär başlanuın kötüen beldergän ide.