Gretsiyä xökümäte räise Kiriakos Mitsotakis üz ileneñ Törkiyä belän mönäsäbätläre turında bolay dip belderde: "Bez geografiyäne üzgärtä almıybız; yänäşä yäşäw - bezneñ yazmışıbız".
Kiriakos Mitsotakis Berläşkän Millätlär Oyışmasınñ 81nçe ğomum şurasındağı çığışında, şulay uq, Törkiyä-Gretsiyä mönäsäbätlärenä dä tuqtaldı häm bolay dide: "Soñğı öç yıl däwamında bez mönäsäbätlärebezne yaxşırtırğa, ışanıçnı nığıtırğa häm dialog kanalların açıq totarğa tırışabız, şulay itep, telämägän krizislarğa kiterergä mömkin bulğan teläsä nindi potentsial kiyerenkelikne buldırmaska mömkin ".
Mitsotakis Törkiyä belän Gretsiyä arasındağı mönäsäbätlärneñ neçkä buluın häm tarixnıñ awırlığın kütärüen, şulay uq, töbäk häm kiñräk üseşne isäpkä alıp, alğa taba niçek barırğa kiräklege turında urtak añlaw kiräklegen belderde.
Bu añlaw xalqara xoquqqa xörmät häm yaxşı kürşelek mönäsäbätlärenä nigezlänergä tiyeş dip belderep, Mitsotakis: "Min küp tapqırlar äytkänçä, bez geografiyäne üzgärtä almıybız, yänäşä yäşäw - bezneñ yazmışıbız", - dide.
Mitsotakis Törkiyä häm Gretsiyä arasındağı berdänber qarşılıqlı nokta - êksklyuziv iqtisadi häm qıytğa' şel'fı çiklären bilgeläw dip belderde. Ul Diñgez xoquqı turındağı BMO konventsiyäse bu mäsälälärne xäl itü öçen berdänber baza bulıp tora di.
Kipr mäsäläsenä qağılıp, Kiriakos Mitsotakis monıñ BMOnıñ üz rezolyutsiyälären ğamälgä aşıru säläten küstärüçe "lakmus testi" bulıp xezmät itüen äytte.
Gretsiyä xökümät räise, şulay uq, BMO ğomum särqatibe Antonio Guterrişnıñ bu mäsälä belän bäyle söyläşülärne yañadan başlaw tırışlıqların xuplawların belderde.
