Könyaq Afrika cömhüriyäteneñ Êkurxuleni töbägendä iyüldän birle tabılğan xatın-qız mäyetläre sanı 11gä citte.

Könyaq Afrika politsiyä idaräse belderüençä, Springs töbägendä Rxokana yulı yanında açıq alanda ber xatın-qıznıñ üle gäwdäse tabılğan.

Töbäktä patrul' uzdıruçı maxsus iminlek xezmätkärläre mäyetne kürgäç, politsiya törkemnäre älege urınğa cibärelä.

Gauteng vilayäte polisiyä komissarı general Tommi Mtxombeni, başlanğıç tikşerülärgä kürä, 20 yäşlärendä dip farazlanuçı xatın-qıznıñ küptän tügel üterelüen belderde.

Monıñ belän bergä, iyüldän birle Êkurxuleni töbägendä tabılğan xatın-qız cäsädläre sanı 11gä citte.

Mtxombeni, monnan tış, 26 sentyabr'dä Tembisa töbägendäge Mooifontein ziratında mäyete tabılğan Ntombifuthi Nxumalonıñ üterelüe belän bäyle ber şöbhäleneñ Limpopo vilayätendä êläkterelüen dä citkerde.

17 sentyabrdä Dawn Park töbägendä üle gäwdäse tabılğan Jabulile Ntimbanıñ üterelüe belän bäyle ike xatın-qız totqarlangan ide inde.

Bu üterülär il buylap xatın-qızlarğa qarata köç qullanuga qarşı protestlar kiterep çığardı.

Cirle matbuğatta bu cinayätlärne seriyäle üterüçe buluı turındağı farazlar da bar. Politsiya waqıyğalar arasında bäyläneş barmı-yuqmı ikänen tikşerä.