AQŞtan Süriyägä qaytarılğan 21 arxeologik äsär Dimäşqtäge Milli muzeyğa urnaştırılğan.
Süriyä muzey êşläre mödire Ammar Känawi, artefaktlarnıñ AQŞtan ilgä ilbaşı oçqıçında, däwlät başlığı Äxmät äş-Şara belän bergä kilgän delegatsiyä belän alıp qaytarıluın belderde.
Qaytarunıñ möhim säyäsi häm mädäni näticälären assızıqlap, Känawi suğış waqıtında ildän qanunsız räweştä çığarılğan artefaktlarnı kire qaytaru Süriyä xalqına yuğalğan şäxeslären kire qaytaruğa yärdäm itä, dide.
Ul Süriyädän urlanğan barlıq äsärlärneñ dä kire qaytarılaçağına ömet belderep, bu protsessnı "watandaşlar suğışı arqasında küçenep kitkän Süriyä xalqınıñ üz illärenä häm öylärenä qaytuı" belän çağıştırdı.
Artefaktlarnıñ törle töbäklärdän häm tarixi çorlardan kilüen bilgeläp, Ammar Känawi alarnıñ barısınıñ da Süriyä sänğateneñ üzençäleklären yörtüen citkerde.
