Törkiyä tışqı êşlär ministrı Xaqan Fidan Berläşkän Ğaräp Ämirleklärendä däwlät başlığı Möxämmäd bin Zäyid Äl Naxyan tarafınnan qabul itelde.
Ministr Fidan “NSosyal” akkauntında yasağan belderüendä N’yu-Yorkta Berläşkän Millätlär Oyışmasınıñ 81nçe ğomum şura qısalarındağı çaralardan soñ Berläşkän Ğaräp Ämirleklärenä säfär yasawın belderde.
Başqala Äbu- Dabida däwlät başlığı Äl Naxyan tarafınnan qabul itelüen beldergän Fidan, Berläşkän Ğaräp Ämirlekläre däwlät başlığı urınbasarı Mansur bin Zäyid Äl Naxyan häm Milli iminlek kiñäşçese Taxnun bin Zäyid Äl Naxyan belän dä söyläşülär ütkärüen citkerde.
Xaqan Fidan oçraşular xaqında bolay dide:
“Bu illärebez arasındağı mönäsäbätlär turında söyläşü häm töbäk problemaların bäyäläw yağınnan bik näticäle säfär buldı. Törkiyä bularaq, bez regional berdämlekne nığıtu, töbägebezneñ tınıçlığı häm mullığı öçen diplomatik êlemtälärebezne däwam itäçäkbez”.
