Dönyadağı iñ zur aviatsiyä, ğaläm häm texnologiyä festivale “TEXNOFEST”nıñ berençe könendä küktä kürsätkeç oçışlar bara.

Demonstratsiyälär Törkiyädä citeşterelgän ğomumi maqsattagı “T-70” boralaqlarınnan paraşüttan sikerü belän başlandı.

Proffessionallar tarafınnan başqarılğan demonstratsiyädä paraşütçılar yuğarı biyeklekkä kütärelgän boralaqtan sikerä.

Hawa şowınnan soñ, “Baykar” yasap çığarğan “Bayraktar AKINCI” höcüm itüçe keşesez hawa apparatı kükkä kütärelde.

Aldınğı texnologiyäläre häm qoralları belän iğtibarnı cälep itkän “Bayraktar AKINCI”nıñ demonstratsiyä oçışı qunaqlarğa onıtılmas tamaşa täqdim itte.

Bertuqtawsız 24 säğattän artıq oça aluçı yasalma aqıl belän êşläwçe “Bayraktar AKINCI” şul mizgeldä töşergän fotolar, şulay uq, cirdağı qunaqlar öçen zur êkrannarda kürsätelde.

Demonstratsiyälärneñ başqa öleşendä paramotor häm deltaplan oçışları başqarıldı.

Festival 4 oktyabrgä qadär törle çaralar belän däwam itäçäk.