Berläşkän Millätlär Oyışması ğomum särqätibe Antoniu Guterreş 7nçe oktäbrdä başlanğan suğış yıllığında daimi utnı tuqtatuğa çaqırdı.

“Bu utnı tuqtatunı daimiläşterergä waqıt. Kiñ qırlı gumanitar yärdämgä röxsät birer waqıt citte. Xalıqara qanunnı xörmät itü waqıtı citte,” - dip belderde Guterreş räsmi açıqlawında, xalıqara cämägätçelekne töbäktä daimi tınıçlıqqa iltüçe säyäsi yul tabarğa çaqırıp.

“Bu yıllıq yaña niyät belän yaqtı kiläçäk tözü täwäkällege bulsın. İzraillelär belän fälästinlelär bergä tınıçlıqta häm iminlektä yäşi alaçaq, alarnıñ xoquqları, namusları häm teläkläre ütälgän kiläçäk bulsın.”

Küp frontlı suğışlar

Fälästinlelärneñ zur külämdä keşe yuğaltular, mäcbüri küçerelü häm yortların cimerüne kürüen äytkän Guterreş: “Alar kürgän qayğı-xäsrätlär dä betärgä tiyeş,” - dip belderde.

İzrailneñ genośid kebek suğışı näticäsendä 74 meñ 200dän artıq keşe häläk buldı.