İran İlbaşı idaräse belderüenä qaraganda, Päzäşkiyan häm Mirzoyan başqala Tähranda oçraştı.

Oçraşu waqıtında yasağan belderüendä Päzäşkiyan: "AQŞ belän bezneñ problema şunda ki, bez östäl artına utırğan sayın, alar bezgä suğış tağa", - dide. Ul Vaşingtonnıñ söyläşülär barışında ilenä öç tapqır höcüm itüen, monı "AQŞnıñ dialog êzlämäwen, ä İrannı yuq itärgä niyätläwen kürsätü" dip bäyäläwen belderde.

Päzäşkiyan üz ileneñ atom êşçänlege turında küp tapqırlar namuslı buluın raslawın, İrannıñ Xalıqara atom ênergiyäse agentlığı tarafınnan iñ küp tikşerelgän il buluın, şulay da, AQŞnıñ İranğa "nigezsez ğayepläwlär" belän basım yasawın äytte.

Päzäşkiyan, şulay uq, Berläşkän Millätlär Oyışması (BMO) tribunasınnan atom êşçänlege turında tikşerü häm dialogqa açıq buluların, läkin här tikşerü waqıtında İrannıñ atom qorılmaları häm ğalimnäre açıqlanuın häm yuq itelügä duçar buluın citkerde.

Päzäşkiyan AQŞnıñ Minabtağı mäktäpkä höcüme häm 168 balanıñ üleme öçen cawap birmäwen, şulay da, keşe xoquqları turında söyläwen belderde. Ul bolay dip östäde: "Daimi üterülär oyıştıruçı, sanksiyälär kertüçe, basım yasawçı häm kileşülärne bozuçı doşman (AQŞ) belän söyläşülärneñ mäğnäse yuq, häm bezneñ millät monı qabul itmi".