Kiyev mêrı Vitaliy Kliçko Rusiyäneñ başqalanıñ töp  küperläreneñ bersenä höcüm itüen belderde.

Höcüm şähärdä yul xäräkätendä citdi özekleklär tudırğan.

Tön’yaq küpergä höcüm pilotsız oçu apparatı turındağı kisätüdän soñ yasalğan.

Ber kön êlek Könyaq küper dä utqa totılğan ide.

Şähär wäqalätleläre höcüm dulqını “Kiyevnı cimerä” dip beldergän ide.

Kliçko Telegram kanalında yasağan belderüendä: “Tön’yaq küper utqa totıldı. Aşığıç yärdäm xezmätläre yulda”,- dide.

Soñraq Kliçko höcümneñ küperneñ yul öslegenä häm trolleybus liniyälärenä zıyan kiterüen xäbär itte.

“Xäzerge waqıtta küperneñ sul yarınnan uñ yarına qadär kiçü yabıq”,– dide Kliçko.