İzrailneñ Milli qurqınıçsızlıq ministrı İtamar Ben Gvir beldergänçä İzrailğa baruçı “Flydubai” oçqıçınıñ aşığıç räweştä töşep utıruına ber terrorçı säbäpçe bulğan. Ul oçqıçnı töşerep, keşelären üterergä niyätlägän.
Çiktän tış uñçı ministr İtamar Ben Gvir: "Ber terrorçı oçqıçtağı 180 İzrail keşesen üterergä üterergä tırışqan," - dip belderde.
“AFP” agentlığı häm İzrail matbuğatı citkergän yulçı süzlärenä kürä ike pilot arasında çıqqan bäxästän soñ berse ikençesenä pıçaq belän qadağan, oçqıç Soğud Ğaräbstanına aşığıç räweştä töşep utırırğa mäcbur bulğan.
Oçqıçta yaralanğan ike pilot xastaxanägä salındı
Soğud Ğaräbstanındağı Tabuk aêroportına töşep utırğan “Flydubai” oçqıçında yaralanuı bilgelängän kapitan pilot häm yärdämçe pilotnıñ xastaxanägä salınuı xäbär itelde.
Tabuk aêroportı yasağan belderügä kürä “Flydubai”ğa bäyle oçqıç cirle waqıt belän 09.45tä hawa mäydanına imin räweştä töşep utırdı.
Närsä bulğan ide?
İzrailneñ “Kanal 12” televideniyesı Dubaydan kütärelep kitkän oçqıçnıñ Yordaniya hawa kiñlege östendä oçqanda başta ğadättän tış xälne belderüçe "7700" kodın, küp tä ütmiçä oçqıçnı urlawnı añlatuçı "7500" kodın da cibärüen beldergän ide.
Pilotlardan berseneñ añın yuğaltuın, bu waqıtta yalğış qına kodnı cibärüe äytelde.
Ber pilotnıñ üz-üzen üterergä häm oçqını töşerergä cıyınuı, İzrail yulçılarınıñ monı buldırmıy qalırğa tırışuı citkerelde.
“Kanal 12”gä intervyu birgän ber yuğarı däräcäle İzrail räsmi zatı Tel-Avivta waqıyğanıñ terror höcume bularaq bäyälänüen, zur fäläkätneñ buldırmıy qalınuın äytte.
