Paqıstan tönlä Äfğanstanğa hawa höcümnäre başladı.
Paqıstannıñ Mäğlümat ministrlığınnan yasalğan belderüdä "ışanıçlı küzläw mäğlümatları" nigezendä Äfğanstandağı "terrorçılarnıñ lagerlarına häm yäşerenü urınnarına" hawa höcümnäre ütkärelüe citkerelä.
Belderüdä höcümnärdä 22 "terrorçı" üterelüe häm "ikençel zıyannı" buldırmas öçen kiräkle çaralar kürelüe äytelä.
Äfğanstan xökümäte wäkile Zäbihulla Möcähid üzeneñ sotsial media akkauntında Paqıstannıñ ike provinsiyägä hawa höcümnäre yasawın belderde häm: "Höcümnärdä tuğız Äfğanstan watandaşı, şul isäptän, xatın-qızlar häm balalar, hälaq buldı, tağın 11 keşe yaralandı", - dip östäde.
