Qatar premyer-ministrı häm tışqı êşlär ministrı Möxämmäd bin Abdurraxman Äl-Sani Misır tışqı êşlär ministrı Bädr Abdülati belän telefonnap söyläşkän.
Alar töbäktäge waqıyğalar turında süz alıp barğan.
Qatar tışqı êşlär ministrlığı belderüenä qarağanda, söyläşü barışında ike il arasındağı xezmättäşlekne üsterü mömkinlekläre, şulay uq töbäktä kiyerenkelekne kimetü, iminlek häm totrıqlılıqnı nığıtuğa yünälderelgän diplomatik adımnar häm urtaq koordinaśiya tırışlıqları qaralğan.
Monnan tış Ormuz buğazında navigaśiya iregen häm töbäk iminlegen saqlawnıñ möhimlege assızıqlanğan.
Ministr Äl-Sani Qatarnıñ töbäktä daimi tınıçlıq urnaştıruğa mömkinlek biräçäk kiñ qırlı kileşügä ireşü maqsatında kiyerenkelekne kimetügä yünälderelgän barlıq tırışlıqlarnı tulısınça xuplawın beldergän.
