Qıtayda Milli kön bäyräme yalınıñ berençe könendä timer yullarda köndälek yulçı taşu rekordı quyılğan.

Qıtay Däwlät timer yulları törkeme beldergänçä, yalnıñ berençe köne bulğan 1 oktyabrdä poyezd liniyälärendä 25 million 204 meñ yulçığa xezmt kürsätelgän.

Bu – xäzergä çaqlı ildä ber köndä timer yul belän taşılğan iñ küp yulçı sanı.

Uzğan yıl yalnıñ berençe könendä bu kürsätkeç 23 million 130 meñ bulğan.

25–27 sentyabr könnärendä ütkärelgän  Köz urtası festivale belän 1–7 oktyabr könnären üz êçenä alğan Milli kön bäyräme yalında poyezd belän säyäxät itüçe yulçılar sanı 284 millionğa citäçäk dip farazlana.

Qıtay Xalıq Cömhüriyäte tözelüneñ 77 yıllığı bilgeläp ütelä torğan Milli kön bäyräme atnasında 7 könlek räsmi yal iğlan itelgän ide.