Yämändäge legal xökümätne yaqlawçı Soğud Ğaräbstanı citäkçelegendäge Ğäräp koalitsiyası Mädinä Mönävvärä häm könçığış töbäktä 5 dronnıñ bärep töşerelüen belderde.
Ğäräp koalitsiyası süzçese general-leytenant Turki äl-Maliki “X” platformasındağı akkauntınnan yasağan belderüendä Soğud Ğaräbstanına dronnarnıñ cibärelüen äytte.
Koalitsiya köçläre bilgelägän 5 dronnıñ totqarlanuı turında citkergän Maliki älege dronnarnıñ Mädinä Mönävvärä häm könçığış töbäktä bärep töşerelüen äytte.
Maliki dronnarnıñ qaydan kilüenhäm waqiğada ülüçelärneñ bulıp bulmawı turında mäğlümat birmäde.
Yämändä 2014nçe yılnıñ sentyabrendä xusilärneñ başqala Sana häm qayber vilayätlärne kontroltä tota başlawınnan soñ watandaşlar suğışı küzätelä.
Soğud Ğaräbstanı citäkçelegendäge Ğäräp koalitsiyası 2015 nçe yılnıñ martınnan birle xalıqara cämğiät tanığan Yämän xökümäten yaqlıy.
Yämändäge xusilär Soğud Ğaräbstanına ballistik raketalar häm dronnar cibärä.
