Şirkättän yasalğan belderügä qarağanda, bıyıl 17nçe tapqır ütkärelgän tikşerenüdä 137 000 nän artıq qatnaşuçı, şul isäptän, 98 000nän artıq universitet studentı häm yaqınça 40 000 yäş belgeç qatnaşqan.

Qatnaşuçılar kompaniyalärne liderlıq stile, kariyera mömkinlekläre, uqıtu häm üseş forsatları, korporativ mädäniyat, xezmät xaqı häm östenleklär, êş moxite kebek kriteriylar nigezendä bäyälägän.

Tikşerenü näticäläre buyınça, “TUSAŞ” berençe tapqır saqlanu sänäğate tarmağında yuğarı urınğa kütärelde. Şulay itep, kompaniya yäş talantlar öçen kariyera maqsatlarında iñ östenlekle tarmaq oyışmasına äylände.

“TUSAŞ”, şulay uq, barlıq tarmaqlarnı da üz êçenä algan "Törkiyäneñ iñ yaxşı 200 kompaniyase" isemlegendä, uzgan yıl belän çağıştırganda, 12 punktqa kütärelde häm 6nçı urınnı aldı.

Milli aviatsiya, ğaläm häm saqlanu texnologiyäläre ölkäsendäge proyektları belän iğtibarnı cälep itüçe “TUSAŞ”, üzençälekle platformaları häm yuğarı texnologiyälärgä yünältelgän êş moxite belän yäş injenerlar häm belgeçlär öçen möhim kariyera üzäkläreneñ berse bulıp qala birä.