Abaşev üzeneñ sotsial’ çeltärlärdäge akkauntında Ukraina armiyäseneñ Tatarstanğa qarşı dron höcüme yasawın belderde.

Ul dronnarnıñ berseneñ Tübän Kamadağı ber yortqa bärelüen bilgeläp ütte häm: "Höcümdä dürt keşe yaralandı häm xastaxanägä ozatıldı. Zıyan kürüçelärgä meditsina yardäme kürsätelä", - dip östäde.

Tatarstan räise Röstäm Miñnexanov ta üzeneñ sotsial’ çeltärlärdäge akkauntında Kama aryağı töbägendäge oyışmalarğa dron höcüme näticäsendä zıyan kilüen citkerde.

Ul waqıyğa urınında êş däwam itüen xäbär itte häm: "Oyışmalarda çiteşterü tuqtatılmadı", - dip östäde.

200dän artıq Ukraina dronı bärep töşerelde

Rusiyä saqlanu ministrlığı tönlä törle töbäklärdä, şul isäptän, Mäskäw häm Azov diñgezendä 231 Ukraina dronı zararsızlandırıluın iğlan itte.

Mäskäw mêrı Sergey Sobyanin da üzeneñ sotsial’ çeltärlärdäge akkauntında kiçädän birle Mäskäwgä oçqan 14 dron yuk itelüen belderde.