Filippinda binalarnı cimergän häm śunami kisätülärenä kitergän zur cirteträwdän soñ, tabiblar sişämbe könne qızdırğan qoyaş astında qorılğan çatırlarda awırularnı däwaladı. Sälamätlek saqlaw törkemnäre yäş äni keşeneñ babi tabuına da yärdäm itte, häläq buluçılar sanı 40tan arttı.
Milli häm cirle afät oyışmalarına qarağanda düşämbe könne Mindanao utrawı sulıqlarında barlıqqa kilgän 7,8 ball zurlığındağı cirteträwdän soñ meñnärçä keşe yortsız qaldı, 450dän artıq keşe yaralandı. Räsmi zatlar dürt keşeneñ genä haman da yuğaluın uylıy.
Räsmi mäğlümatlarğa qarağanda, kimendä 479 keşe yaralanğan.
Cirteträw, Könyaq Mindanaoda yaqınça 88 meñ keşegä täêsir itte; şularnıñ 22 meñ 690ı yortsız qaldı. Räsmi zatlar iyärçen zilzilälärneñ däwam itüe häm binalarnıñ iminlege belän bäyle borçılular arqasında şaqtıy keşeneñ uramda qaluın belderde.
İñ awır zıyan kürgän Sarangani vilayätendä qayber töbäklärgä boralaqlar belän genä ireşep bula. Cirle räsmi zatlar iyärçen zilziläneñ däwam itüennän qurqu êzläw-qotqaru êşlären totqarlawın äytte.
Berençe cirteträwdän yaqınça ike säğättän soñ töbäktä köçle iyärçen zilzilä buldı, yözlägän keçkenä cirteträw dä terkälde.
“AFP” vilayät çığanaqlarınnan tuplagan mäğlümatlarına qarağanda, sişämbe irtän häläq buluçılar sanı 41 gä citte.
Räsmi zatlar tuğız küper häm 19 yulnıñ zarar kürüen, infrastruktura yuğaltularınıñ 900 million pesonı (14,6 million dollar) uzıp kitüen belderde.
Barlığı 1889 öy zıyan kürgän; bolarnıñ yaqınça 1500 e tulısınça cimerelgän. Matdi yuğaltularnıñ 15 million peso (yaqınça 244 meñ dollar) külämendä buluı belderelde, zarar bilgeläw eşläreneñ däwam itüe häm bu räsmi sannarnıñ üzgärä aluı äytelde.
Filippin mäğarif ministrlığı da Mindanaodağı mäktäplärdä citdi zarar barlıqqa kilüen xäbär itte. Berençe bäyäläwlärgä qarağanda, biş töbäktä urnaşqan 231 däwlät mäktäbendäge 1159 sıynıf bülmäsenä zıyan kilgän.
Qotqaru êşçänlekläre
General Santosta cimerelgän ber market binası yanında törkemnär tönlä tänäfestän soñ xäräbälär arasınnan ike êşçene çığaru öçen êşlärenä yañadan başladı.
Cirteträwdän soñ Filippinnıñ könyaq yarlarında häm kürşe İndoneziyada meñlägän keşene evakuaśiyaläw boyırığı birelde. Berdän artıq il häm töbäktäge śunami kisätü üzäge śunami söränen saldı.
Yaponiyaneñ Tın okean yarlarında ülçängän śunami dulqınnarınıñ isä 20 santimetrnı uzmawı xäbär itelde.
