Tön’yaq Koreya däwlät mäğlümat agentlığı KCNA xäbärenä qarağanda, Tön’yaq Koreya liderı Kim Çen In belän Qıtay däwlät başlığı Si Cinpiñ Tön’yaq Koreya başqalası Pxen’yanda oçraşu ütkärde häm ike il arasında törle tarmaqlardağı xezmättäşlekne kiñäytü turında qarar qabul itte.

KCNA sişämbe könne xäbär itüençä, citäkçelär ike yaqlı mönäsäbätlärne yaña êtapqa kütärergä kileşkännär.

KCNA mäğlümatlarına qarağanda, Kim Siğa, xalıqara wäzğıyät’  niçek üzgärüenä qaramastan, Pekinnıñ “ Berdänber Qıtay printsibı”n tulısınça xuplayaçağın äytte. Älege printsip Tayvan buğazınıñ ike yarınıñ da ber däwlätkä qarawın añlata.

Xäbärgä qarağanda, Tön’yaq Koreyağa cide yıldan soñ berençe tapqır säfär qılğan Si isä Kimğa bu säfären ike yaqlı mönäsäbätlärdä zur alğarışqa ireşü mömkinlege  dip sanayaçağın äytkän.

Xäbärdä şulay uq ike lidernıñ  yuğarı däräcäle räsmi zatlar  säfärläre aşa ike il arasındağı strategik êlemtälärne tağın da tiränäytü turında urtaq fikergä kilüläre dä äytelä.

Tön’yaq Koreya mäğlümat çaraları citäkçelärneñ Pxen’yannıñ atom -töş  qoralı programması turında söyläşep-söyläşmäwläre xaqında bernindi mäğlümat birmäde.

Qıtay däwlät xäbär agentlığı “Sinxua” da Şinıñ Tön’yaq Koreyağa säfäre turında düşämbe könne xäbär itte.