Törkiyä ilbaşı apparatınıñ êlemtä idaräsennän alınğan yazmçaa belderüdä, NATO däwlät häm xökümät başlaqları sammitınıñ 7-8 iyüldä Törkiyäneñ Änkara şähärendä uzazağı iskä töşerelde.
Sammit aldınnan êlemtä idaräseneñ Awrupadağı törle berlektäşlär belän çaralar oyıştıruı bilgeläp ütelgän belderüdä tübändäge mäğlümat bar:
"Bu çaralar qısalarında, Germaniyädä urnaşqan “Konrad-Adenauer” waqıfı belän berlektä "2026 yılğı Änkara sammitına yul: Awrupa- Atlantik qurqınıçsızlığınıñ kiläçägen formaşlaştıru" dip atalğan tügäräk östäl fiker alışuı oyıştırıldı. Törkiyäneñ Berlindağı ilçese Gökxan Turan, ilbaşınıñ tışqı säyäsät häm qurqınıçsızlıq buyınça baş kiñäşçese, ilçe Akif Çağatay Kılıç, NATO Parlament Assambleyası äğzası häm AK partiyäneñ Istanbul parlamenti äğzası Oğuz Üçüncü häm “KAS” ğomum särqatibe, doktor Mark Spiçnıñ açılış çıgışları belän başlanğan oçraşuda Törkiyäneñ NATOğa qaraşı häm soñğı xalqara mäsälälär turında fiker alışular buldı. Oçraşunı “Konrad-Adenauer” waqıfınıñ Yaqın Könçığış mödire Tomas Volk alıp bardı.
Anda Törkiyä-Germaniyä xezmättäşlegen törle ölkälärdä, ayuıruça saqlanu sänäğatendä üsterüneñ möhimlege assızıqlandı. Rusiyä-Ukraina suğışı häm Yaqın Könçığıştağı krizislarnıñ köçäyüe arqasında xalqara sistemada barlıqqa kilgän bilgesezlek bilgeläp ütelde, NATOnıñ äğza däwlätlär öçen qurqınıçsızlıq qalqanı êlekkegä qarağanda da möhimräk rol’ uynawı assızıqlandı.
Monnan tış, Törkiyäneñ NATOğa qaraşı tikşerelde, şulay uq, ittifaqqa quşılğannan birle ilneñ xärbi häm säyäsi öleşe häm strategik missiyäläre bäyälände.
