AQŞ Üzäk köçlär komandalığınıñ sośial media akkauntınnan mäs’älä belän bäyle bularaq yasalğan belderüdä: "İran Ormuz buğazınnan uzğan säwdä köymälären bärü omtılışı belän küp sanda ber yaqlı höcüm dronnarın cibärde. Buğazdağı transport xäräkäte totqarlawsız däwam itkända AQŞ köçläre soñğı säğätlärdä bolarnıñ barısın da bärep töşerde”, - dip äytelde.

Üzäk köçlär komandalığı: "Xalıqara säwdä koridorı kiçülärgä açıq qala” mäğlümaten citkerde.

AQŞ İlbaşı Donald Tramp kiçä, İran belän kileşüneñ tämamlanuğa yaqınlaşuına basım yasap, täfsille kileşü tekstı östendäge soñğı êşneñ baruın beldergän ide.

Paqıstan Başministrı Şahbaz Şärif tä AQŞ belän İran arasındağı söyläşülär belän bäyle bularaq: "Tınıçlıq hiç bu xätle yaqın bulmağan ide”, - dip äytkän ide.

Waşington belän Tähran arasında kileşüeneñ täêmin itelüe yünäleşendäge diplomatik tırışularğa qaramastan töbäktä xärbi kiyerenkelek däwam itä.