Törkiyä Cömhüriyäte Ênergetika häm tabiği çığanaqlar ministrı Alparslan Bayraqtar “NSosyal” akkauntınnan urtaqlaşqan yazmasında Törkiyä belän Azärbaycan xezmättäşlegeneñ töbäk totrıqlılığına häm kiläçägenä öleş kertüen däwam itäçägen belderde.
TANAPnıñ ênergiyä belän täêmin itü iminlegeneñ iñ zur garantiyäse buluına basım yasawçı Bayraqtar:
"Törkiyä häm Azärbaycan qardäşlegeneñ simvolı, Könyaq gaz koridorınıñ umırtqa bağanası “TANAP”qa 8 yıl. 2018nçe yıldan bügengä qädär ilebezgä 39 milliard 300 million, barlığı isä 99 milliard kub metrğa yaqın tabiği gaz qudırğan şuşı däw proyekt barı tik ilebezneñ genä tügel, Awrupanıñ da ênergiyä belän täêmin itü qurqınıçsızlığınıñ iñ zur garantiyäse. “İke däwlät, ber millät” şiğare belän iñgä-iñ quyıp tormışqa aşırğan bu xezmättäşlek töbägebezneñ totrıqlılığına häm urtaq kiläçägenä öleş kertüen däwam itäçäk", - dip bilgeläp uzdı.
