Ägäy êksportçı berlekläre kürsätkeçlärennän tuplanğan mäğlümatkä kürä, Törkiyä ğinwar-may aylarında 92 meñ 494 tonna yomırqa êksportlap, 240 million 79 meñ dollar kerem alğan.

Tarmaqnıñ iñ zur bazarı 47 million 577 meñ dolarlık êksport belän Ğiraq bulsa, yılnıñ berençe 5 ayında iñ zur üseş Awrupa bazarında küzätelde.

İtaliyägä yomırqa êksportı uzğan yılnıñ ğinwar-may aylarında 2 million 204 meñ dollar täşkil itkän, ağımdağı yılnıñ şuşı uq çorında 24 million 773 meñ dollarğa qädär artqan. İtaliyägä cibärelgän yomırqa küläme 1 meñ 200 tonnadan 13 meñ 200 tonnağa qädär kübäygän. Şulay itep İtaliyägä êksport bäyä nisbätennän 1024%qa, san yağınnan 1000%qa artqan.

Awrupanın yomırqa nığıtması Törkiyägä yünälde

Awrupanıñ aldınğı yomırqa citeşterüçelärennän bulğan Polşada qoş grippına bäyle citeşterü yuğaltuları ilneñ tışqı satuın arttırdı.

Uzğan yılnıñ berençe biş ayında Törkiyädän 109 meñ dollarlıq yomırqa importlanğan Polşa bıyılnıñ şuşı uq çorında 19 million 681 meñ dollarğa qädär artqan. İlgä cibärelgän yomırqa küläme 15 tonnadan 11 meñ tonnağa qädär kübäygän.

İzmir yomırqa citeşterüçeläre berlege başlığı Näriman Därä Çatmadaş Törkiyäneñ ber yılda 20 milliard tiräsendä yomırqa citeşterüen äytte.

Törkiyäneñ citeşterüdä berençe 10 il arasında buluın häm citeşterüneñ 25%ına yaqın öleşeneñ êksportlanıluın belderüçe Çatmadaş biredä citeşterelgän yomırqanıñ sıyfatlı buluına basım yasadı.

Çatmadaş törek citeşterüçeläreneñ soñğı yıllarda azıq häm citeşterü ölkäsendä zur täcribä tuplawın, tarmaqnıñ çimal sıyfatı häm xayvan sälamätlege cähätennän möhim alğa kiteş yasawın iskärtep uzdı.

Törkiyä yomırqa citeşterüendä dönyada 9nçı, Awrupada isä 2nçe urında tora.