İzrailneñ çiktän tış uñçı ministrı İtamar Ben Gvir, Awrupa Berlege fälästinlelärgä qarşı köç qullanular arqasında qanunsız İzrail kilep urnaşuçılarıına qarata sanktsiyälär kertüennän soñ Awrupa Berlegen “antisemit” buluda ğayepläde.

Ben Gvir “X” çeltärendäge yullamasında: “Antisemit Berlekneñ äxlaqıy qarar qabul itüen kötü – qoyaşnıñ könbatıştan çığuın kötü belän ber,” – dip belderde häm ABneñ “üzen saqlawçılarnıñ qulların bäylärgä tırışuın” yazdı.

Vengriyädäge xökümät üzgärüneñ aylardır däwam itüçe kirtälärne yuqqa çığaruı belän, Awrupa Berlege tışqı êşlär ministrları düşämbe könne yaña sanktsiyälär mäs'äläsendä kileşügä ireşte.

Diplomatik reaksiyä

Awrupa Komissiyäseneñ tışqı bäyläneşlär häm qurqınıçsızlıq säyäsäte buyınça yuğarı wäkile häm vitse-prezidentı Kaya Kallas: “Tupiktan çığıp näticä aluğa küçü waqıtı citkän ide. Êkstremistlıq häm köç qullanunıñ näticäläre bulaçaq,” – dip äytte.

Frantsiyä tışqı êşlär ministrı Jan-Noêl Barro, ABneñ “Könbatış üzänlegeneñ êkstremizm häm köç qullanu aşa kolonizatsiyäsenä yärdäm itüdä ğayeple töp İzrail oyışmalarına häm citäkçelärenä sanktsiyälär qullanuın” belderde.

Qarar nigezendä, 7 qanunsız kilep urnaşuçı yäki oyışma “qara isemlek”kä kertelde.

İzrail yaña çaralarnı tänqıytläde häm yähüdlärneñ Yordannıñ basıp alınğan Könbatış üzänlegendä kilep urnaşu xoquqına iyä buluın yaqladı.

İzrail tışqı êşlär ministrı Gideon Saar “X” platformasında ABneñ sanktsiyälärne “başbaştaq häm säyäsi räweştä” qullanunı saylawın yazsa, Ben Gvir isä: “kilep urnaşu omtılışı qurqıtıla almayaçaq,” – dip İzrail cirläre buyınça “tözü häm saqlawnı däwam itäçäklärenä” wäğdä birde.