Paqıstannıñ tön’yaq-könbatışında oyıştırılğan ike bombalı höcümdä kim digändä 7 keşe hälaq bulğan, küp sanda keşe yaralanğan.
Höcümnär şimbä könne Xayber - Paxtunxva provinśiyäseneñ Bannu rayonında bulğan.
Bannu poliśiyäse mödire Yasir Afridi yul qırıyına urnaştırılğan berençe bombanıñ yulçılar utırğan transport çarasın nişan itep aluın, höcümdä 5 keşeneñ hälaq buluın häm 3 keşeneñ yaralanuın äytte.
İkençe şartlaw isä cirle xalıq ülgännärne häm yaralılarnı aşığıç yärdäm maşinalarına alıp barğanda bulğan. Bu şartlawda da kim digändä 2 keşe ğomeren yuğaltqan.
Afridi yulçılar taşığan şäxsi pikap maşinasınıñ yıraqtan idarä itelä torğan quldan yasalğan şartlatqıç belän nişanğa alınuın, yaralılarnı xastaxanägä alıp kitkändä ikençe bombanıñ şartlawın belderde.
