Törkiyä tışqı êşlär ministrı Xaqan Fidan kiçä räsmi säfär qısalarında Rusiyä başqalası Mäskäwgä kilde.
Ul Mäskäwdä Rusiyä tışqı êşlär ministrı Sergey Lavrov belän oçraştı.
İke ministr delegaśiyälär arasındağı söyläşülärdän soñ matbuğat oçraşuında çığış yasadı.
Ministr Fidan bolay dip belderde:
"Törkiyä belän Rusiyä arasındağı mönäsäbätlär üzara ışanıçqa nigezlänä. İke yaqlı xezmättäşlegebez uñay yünäleştä bara. Küp mäs’älälär buyınça fiker alışu mömkinlege buldı. Bişençe yılına kergän Ukrainadağı suğışnıñ tınıç yullar belän tämamlanuı telägebezne citkerdek."
Ul şulay uq Änkaranıñ söyläşülärne qabul itärgä äzer buluın belderde.
Fidan İran häm Ormuz buğazı krizisına da tuqtalıp bolay dide:
"İran belän AQŞ arasındağı kileşüdä soñğı imzalar quyılğançı däwam itäçäk sizger çorda İzrailneñ mömkin bulğan sabotaj omtılışlarınnan saqlanu bik möhim. Ormuz buğazınıñ, suğışqa qadär bulğanı kebek, irekle häm özleksez kiçülär öçen açıq bulıp qaluı bik möhim”.
